~~~(( AZAD 1 ))~~~

KHUSH NUMA..

Khush'numa lafz ki sawaari buss
Shehar walon ko ek madaari buss

?Ishq mein aur kya hua hum se
Dhang se ki hai ashk'baari buss

Aik nau'rus kali ka gul ban'na
Zindagi! tairi paayedaari buss

Fasl e gul kayenat ki, mujh ko
Tairi chaahat ki aik keyaari buss

Manzilein ghair ke liye makhsuus
Apne hisse me khwaab'kari buss

Aik be'jaan muskuraahat hai
Oonche logon ki inkesaari buss

Aur kyaa seekhte zamaane se?
Ho gaye hum bhi kaar o baari buss

Posted by Salman Khan

NIGAHEEN HO GAEEN...

Nigaheen ho gaeen purnam

Ghamoon main ghair gaye hain ham

Zara awaaz to dena

Kahan ho tum bari veraan hain

Umeed ki raheen

Chale aooo meri aankheen

Tumeen bas dekhna chaheen

Mere armaan mere hamdam

Bare majboor hain

Taqdeer par kab zoor chalta hay

Deye palkoon pe jalte hain

Jigar sene main jalta hay

Mera ghutne laga hay dam

Zara awaaz to dena

Nigaheen ho gaeen purnam

Posted by Salman Khan